ACCA sertifikatlarına sahib olmaq maliyyə sahəsində uğurlu karyera düşünənlər üçün atılmalı olan ilk addımlardan biridir. Məhz bu səbəbdən ACCA imtahanlarına düzgün və effektiv formada hazırlaşmağınız çox önəmlidir. Biz də sizin ACCA imtahanlarından maksimum nəticə əldə edə bilməyiniz üçün öz təcrübələrimizə əsaslanaraq hazırladığımız bu tövsiyələri sizinlə bölüşürük.

Doğru mənbələrdən istifadə etdiyinizə əmin olun

Ən çox tövsiyə olunan kitabları tapın və materialların davamlı yeniləndiyindən əmin olun. Honours Academy tələbələri bu mövzuda rahat ola bilər. Akademiyamız bütün təlimlərdə tələbələrini ən son və bütün mövzuları tam əhatə edən tədris materialları ilə təmin edir. Bu materiallar və kitablar sayəsində tələbələrimiz ACCA imtahanlarına daha asan və güvənli şəkildə daxil ola biləcəklər.

Az amma tez-tez oxuyun

Bu üsulun öyrənmə şansınızı daha da artırdığı elmi cəhətdən təsdiq edilib. Özünüzə uyğun dərs planı qurub, dərsləri mərhələli şəkildə öyrənmək sizə oxuduqlarınızı daha yaxşı mənimsəməkdə kömək olacaq.

Öyrəndiklərinizi təkrar edin

Təkrarlar üçün vaxt ayırın. Bu, biliklərinizi zehninizin Passiv bölməsindən Aktiv hissəsinə köçürməyə kömək edəcək. Hər həftənin sonunda indiyə qədər öyrəndiklərinizi təkrarlamaq ən sonda işinizi daha rahat edəcək.

Suallar ilə bağlı imtahan verənlərin rəylərini oxuyun

Əvvəlki imtahanlarda iştirak edən tələbələrin hesabatlarını oxumağın faydasını öz imtahan təcrübənizdə hiss edəcəksiniz.

Ən yaxşı təlimçini tapdığınızdan əmin olun

Ən çox tövsiyə olunan təlimçiləri tapın və təlimdə iştirak etmiş şəxslərin rəylərini öyrənin. Honours Academy ölkənin ən aparıcı təlimçiləri ilə əməkdaşlıq edərək tələbələrinə sahəni liderlərindən öyrənmə şəraiti yaradır.