ACCA imtahanlarının çətinliyinə təsir göstərən amillər
İmtahanlar üçün hazırlaşan tələbələrin ağlında hər zaman bir sıra suallar və şübhələr olur. Bunlar əsasən imtahanın çətin olub olmayacağını fikirləşmək, imtahanın gələcəkdə tələbəyə nə kimi faydası olacağını düşünmək olur. 179 ölkədə qlobal nüfuzu olan peşəkar mühasibatlıq təşkilatı olan ACCA-in imtahanları bəzən ən bacarıqlı tələbələr üçün belə çətin ola bilir. Bəs bu çətinliklər nəyə görə dəyişir?
Akademik biliklər
Əvvəlki akademik və ya peşəkar bacarıqlarınız, çox güman ki, ACCA-nı nə qədər çətin hesab etdiyinizə müəyyən təsir göstərəcək. Mühasibatlıq təcrübəsi olmayan tələbələr əvvəlcə ACCA-nı çaşdırıcı hesab edə bilərlər. Digər tərəfdən, mühasibat uçotu və maliyyə sahəsində təhsil almış tələbələr ACCA imtahanlarının çox da çətin olmadığını iddia edə bilərlər.
Mühasibat uçotunu və maliyyəni sevib-sevməməyiniz də buna təsir edə bilər. Əgər siz həqiqətən bunu etmək istəyirsinizsə və mühasibat uçotu və maliyyə ilə maraqlanırsınızsa, ACCA-nın sizin üçün daha asan olacağı gözlənilir.
Planlaşdırma
“Planlamaqda uğursuz olan insanlar, uğursuzluğu planlaşdırırlar” sözlərini həyatımızda dəfələrlə eşitmişik. Həyatınızın hansı mərhələsində ACCA kvalifikasiyasını seçməyinizdən asılı olmayaraq, mükəmməl planlaşdırma uğurun açarıdır. Demək olar ki, hər bir tələbə imtahanlara hazırlaşarkən plan tərtib edir. Bununla belə, bu planın uğuru onun nə qədər real olmasından və tələbənin planı yerinə yetirmək üçün nə dərəcədə motivasiyasından asılıdır. Diqqətlə izlənilən real planlar tələbənin imtahandan keçmə şansını da artıracaq.
Bağlılıq və əzmkarlıq
Tam ştatlı işiniz olması və ya əlavə məşğuliyyətiniz olması kimi unikal hallar ACCA kvalifikasiyasının çətinlik səviyyəsinə təsir edir. İşləməyən tələbənin hazırlaşmağa həsr etmək üçün işləyən bir mütəxəssislə müqayisədə daha çox saatı var.
ACCA kvalifikasiyasını tamamlamaq üçün digər mühüm amil əzmkarlıqdır. İmtahanları üçün keçid dərəcələri 30% ilə 50% arasında dəyişir, bu da imtahanlarda uğursuzluğun yüksək olduğunu göstərir. Uğursuz olduqdan sonra belə motivasiyanızı itirmədən yenidən çalışmaq ACCA sertifikatını almaqda mühim rol oynayır.
Təlimçilər
Bir çox tələbə ACCA imtahanlarına özü hazırlaşmağı seçsə də, daha çox tələbə bunun üçün təlimçi axtarır. Tələbələr ACCA fənlərinin tədrisində uzun illər təcrübəsi olan peşəkar təlimçilərdən dərs alaraq imtahanlardan keçmək şanslarını artırmağı hədəfləyirlər. ACCA tərəfindən təsdiq edilmiş və yüksək nəticələrə sahib olan təlimçilər sizə həm mövzuları daha yaxşı öyrənməyə, həm də imtahanda daha hazır olmağınıza şərait yaradacaq.
İmtahan günü performansı
Öyrənilən biliklərin imtahan günü icrası ACCA imtahanının çətinliyini müəyyən etməkdə mühüm rol oynayır. İmtahan mərkəzinə inamla daxil olmaq və əsəblərinizi sağlam saxlamaq imtahandan keçmə şansınıza əhəmiyyətli dərəcədə təsir edir. Tam hazır olsanız da, imtahanda həyəcanlanmaq və özünüzü itirmək keçid şansınıza əhəmiyyətli dərəcədə təsir edə bilər.
Bir çox tələbələr bütün imtahan suallarına cavab vermədikləri üçün ACCA imtahanlarında uğursuz olurlar. Xüsusilə ACCA imtahanları üçün siz həmişə imtahandan əvvəl suallara hansı ardıcıllıqla cavab verəcəyinizi planlaşdırmalısınız. Ən sonda isə diqqətinizi geridə qalan suallara verərək imtahandakı sualların 100%-nə cavab verməyə çalışmalısınız.
Yəni ACCA imtahanlarından keçmək çətindir?
Kiminsə ACCA imtahanlarının çətin və ya qeyri-mümkün bir şey kimi təsvir etməsi ədalətsizlik olardı. Eyni ACCA imtahanları haqqında tamamilə fərqli fikirlərə sahib olan insanların sayı sizi təəccübləndirəcək. Qısaca, ACCA siz nə qədər istəyirsinizsə, o qədər çətin və ya asandır. Əgər ACCA sertifikatını almaq üçün planınız varsa və bunda qəti qərara sahibsinizsə, onda ACCA sizin üçün çətin olmayacaq.
