ACCA kvalifikasiyası nə dərəcə çətindir?

Bildiyiniz kimi, yaxşı nəsə qazanmaq üçün onun qarşılığında siz də nəsə verməlisiniz və bu bütün vəziyyətlərdə doğrudur. Nərdivanla yuxarı qalxmaq üçün əvvəlcə özünüzü ona dırmaşmaq bacarığı ilə təchiz etməlisiniz. ACCA kvalifikasiyası əldə etmək də, təbii ki o qədər də asan deyil, lakin əzmkarlıq həmişə öz bəhrəsini verir. ACCA sertifikatları qazanmaq ən sonda sizə bu zəhmətinizin qarşılığını artıqlaması ilə verir.
Mühasibat uçotu və maliyyə sahəsi rəqəmlərlə çox əlaqəli olduğu üçün insanlar ACCA kvalifikasiyasını “çox çətin” və ya “demək olar ki, qeyri-mümkün” adlandırmağa tələsirlər.

Statistikalar göstərir ki, yüzlərlə insan ACCA üzrə uğurlu karyera qurmağa davam edir. Eyni şeyi sizin edə bilməyəcəyinizi kim deyə bilər? Unutmayın, hər şey yalnız ətrafında çoxlu əsassız fərziyyələr var deyə çətin görünür. İndi isə, gəlin bütün bunları faktlarla parçalayaq.

ACCA kvalifikasiyasını çətinləşdirən nədir?

Təbii ki, burada bir çox amillər rol oynayır. Geniş sillabuslar, gizli strategiyalar və çətin ACCA imtahanları səbəbindən ACCA kursu təbii olaraq asan görünmür. ACCA kursunun çətin görünməsinin əsas səbəbi isə onun fədakarlıq tələb etməsidir. Özünüzə düzgün motivasiya versəniz, bacara bilməyəcəyiniz bir şey yoxdur. ACCA kvalifikasiyasını qazanmaq üçün sizə sadəcə strukturlaşdırılmış və disiplinli yanaşma lazımdır.