CFA minimum keçid balı necə hesablanır?

CFA imtahanlarında Minimum Passing Score (MPS) namizədin imtahandan keçib-keçmədiyini müəyyən etmək üçün istifadə olunan meyardır. MPS hər il fərqli dərəcədə olur, belə ki CFA Institute hər il imtahan suallarını və namizədlərin performanslarını müzakirə edərək minimum keçid balını müəyyən edir.

Statistika göstərir ki, CFA imtahanları kompüter əsaslı test formatına keçdikdən sonra minimum keçid balı əvvəlki illərlə müqayisədə daha yüksək təyin olunmağa başlayıb. Öncəki illərdə namizədlər üçün 70% bal toplamaq keçid üçün kifayət hesab edilirdisə, ən son nəticələr onu göstərir ki, imtahan keçməkdən tam əmin olmaq üçün 75% və daha yuxarı nəticələr daha əlverişli sayılacaq.

Lakin, bu sizi həvəsdən salmamalıdır, çünki ümumi nəticələrin artması həm də yüksək nəticə yığmağın əvvəlki formatla müqayisədə daha rahat olduğu mənasına gəlir. Əgər imtahana düzgün üsullardan istifadə edərək yüksək səviyyədə hazırlaşsanız, uğur qazanmaq sizin üçün heç də problem olmayacaq.