Bloq

Maliyyə dünyasına aid filmlər


Maliyyə dünyası bütün qalmaqalları, dramı, həyəcanı ilə film dünyası üçün həmişə böyük mənbə olmuşdur. Zaman-zaman böyük rejissorlar, yazıçılar burada baş verən hadisələri daha çox insana çatdırmaq, öz izləyiciləri ilə bölüşdürmək üçün birlikdə işləyiblər. Nəticə olaraq, ortaya maliyyə dünyasının mövcud olduğu şərtləri izah edən bir sıra gözəl işlər çıxıb. Bu yazıda da məhz bu işlərdən bir neçəsini sizinlə bölüşəcəyik.

"The Big Short" - Adam Makkey, 2015.
Ulduzlarla dolu heyəti ilə diqqət çəkən bu film 2000-ci illərdə baş verən iqtisadi böhranın əvvəlini və sonrasını dinamik bir şəkildə izah edir. Böhranı öncədən görən 4 şəxsin hekayəsini paralel şəkildə izah edərək izləyicinin həmin dövrü daha yaxşı anlamasına, hadisələrin gedişatına sektorun içərisindən şahidlik etməsinə imkan yaradır. Bunlarla yanaşı film həm də, iqtisadi məsələlərə, pul-əxlaq dilemmasına, trendlərə qarşı da cəsarətli davranaraq, bu mövzulara toxunmaqdan çəkinmir.

"Glengarry Glen Ross" - Ceyms Fouli, 1999.
Eyniadlı kitab əsasında çəkilən və zamanla klassikə çevrilən bu film dörd daşınmaz əmlak satıcısının iki gününü təsvir edir. Şirkətin bu dörd satıcıdan ən çox satış edən ikisinin işdə qalıb, digərlərinin qovulacağı xəbərini verməsi ilə başlayan bu filmdə işçilərin çarəsizlik içində öz hədəflərini üçün mübarizə aparmağını izləyirik. Filmdə satış üçün hər yola əl atan satıcıların arasındakı gərginlik, yüksək rəqabət bizə iş dünyasının limitlərinin hansı səviyyədə olduğunu göstərir. Al Paçino, Kevin Speysi, Alek Boldvin kimi usta aktyorlar da bu filmə əlavə dəyər qatırlar.

"Margin Call" - Cefri Çendor 2011.
2008-ci ilk böhranını sadəcə 24 saatlıq bir baxış bucağı ilə göstərən bu film bir maliyyə şirkətinin böhrana qarşı çıxış yolları axtarmasını izləyiciyə çatdırır. İşçilərin bir qismini işdən çıxararaq böhranın qarşısını müvəqqəti olaraq alsalar da, bu sadəcə sonun başlanğıcı idi. Filmin davamında isə mənəvi dilemmalar və bürokratiyanın cəmiyyətə təsiri izah edilir. İnvestisiya, marja və sərmayə kapitalı kimi anlayışların idarə olunmasından bəhs edən film kritiklər tərəfindən də olduqca yüksək rəy toplamışdı.

"Barbarians at the Gates" - Qlenn Cordan, 1993.
Bu film ABŞ bank sektorundakı həyatı bir neçə dəqiqə dayandıran "RJR Nabisco" müqaviləsindən və bu müqavilənin arxaplanında baş verən hadisələri izah edir. Real həyatda baş verən bu hadisəni olduqca yaradıcı şəkildə təsvir edən bu film izləyicilərə şirkət rəhbərlərinin acgözlülüyünü və saxtakarlığını da əyləncəli şəkildə göstərir.

"Wall Street" - Oliver Ston, 1987.
Kapitalizmin ən pis tərəfinin bizə göstərildiyi bu film maliyyə dünyasının acgözlü və rəqabətçi tərəfini ələ alır. Rejissor bu filmdə gənc bir birja investorunu işə götürən və pul qazanmaq üçün hər cür yola əl atan bir şirkəti təsvir edərək, bir növ izləyiciyə "Wall Street" şirkətlərinin arxaplandakı fəaliyyətlərini göstərir. Canlandırdığı Qordon Qekko personajı ilə Oskar mükafatını qazanan Maykl Duqlasın möhtəşəm performansı da filmə əlavə gözəllik qatır.

Bu filmlər maliyyə sahəsində karyera düşünən şəxslər üçün faydalı filmlərdir. Hətta bu sahədə karyera haqqında düşünməsəniz belə, bu filmlər sizə maliyyənin vəhşi və absurd dünyası haqqında bir az fikir verə bilər. Xoş seyirlər!

Əlaqəli məqalələr

"Bitcoin" niyə dəyərlidir?

Son zamanlarda demək olar hər kəsin kriptovalyutalar və ya Bitcoin haqqında danışdığını müşahidə edə bilərsiniz.

Ətraflı
Təhsil iqtisadiyyata necə təsir göstərir?

Təhsil iqtisadiyyata necə təsir göstərir?

Bir ölkənin təhsil sistemi onun iqtisadi göstəriciləri ilə necə əlaqəlidir?

Ətraflı
İmtahan həyəcanını necə məğlub etmək olar?

İmtahan həyəcanını necə məğlub etmək olar?

İmtahanlardan öncə həyəcanlı olmaq tamamilə normaldır, lakin idarə edə bilməsəniz, həyəcanınız imtahanda uğursuz olmağınıza səbəb ola bilər.

Ətraflı
Təlimlərimizə
qoşulmaq

istəyirsən?