Honours.Academy

Daşqın Həmidzadə

"Harvard Business School"un menecerlər üçün nəzərdə tutulmuş proqramı üzrə maliyyə təhsili almışdır. Dövlət və özəl sektorlarda maliyyə sahəsində 15 ildən çox iş stajı və 11 ildən çox təlimçilik təcrübəsinə malik Daşqın Həmidzadə bu illər ərzində aparıcı şirkətlərdə yüksək vəzifələrə qədər yüksəlməyi bacaran bir çox kadrlar yetişdirərək iş həyatına qazandırmışdır. Hal-hazırda 3 şirkətə və bir neçə yerli və xarici layihələrə rəhbərlik edir.

Vaqif Nuriyev

Daxili audit və maliyyə sahəsində 4 ildən artıq peşəkar karyeraya sahibdir və hazırda dünyanın ən böyük şirkətlərində olan Baker Tilly-də Senior Auditor vəzifəsində çalışır. AR Prezidenti yanında DİA-da İqtisadiyyat ixtisası üzrə bakalavr təhsili almışdır. Vaqif Nuriyev maliyyə, mühasibatlıq və audit sahələri üzrə ən mötəbər titullardan hesab olunan ACCA Member, CFE Member və CIA Member statuslarına sahibdir.

Hikmət Əliyev

Maliyyə üzrə Qafqaz Universitetinin bakalavr dərəcəsini, İqtisad Universitetinin magistr dərəcəsini bitirmişdir. Müxtəlif vaxtlarda DSMF-də, Maliyyə Bazarlarına Nəzarət Palatasında aktuari olaraq çalışmışdır. Hazırda ölkənin ən böyük sığorta şirkətlərindən birində rəhbər vəzifədə çalışmaqdadır. Beynəlxalq Aktuarilər Assosiasiyasının (SOA) təşkil etdiyi rəsmi imtahanı müvəffəqiyyətlə tamamlayaraq məsul aktuari sertifikatına yiyələnmişdir.

Gündüz Əliyev

Riyaziyyat ixtisasi üzrə Bakı Dövlət Universitetinin bakalavr və magistr dərəcələrini bitirmişdir. Müxtəlif vaxtlarda Dövlət Sığorta Nəzarət Xidmətində və Maliyyə Bazarlarına Nəzarət Palatasında aktuari olaraq çalışmışdır. Hazırda Maliyyə Nazirliyində rəhbər vəzifədə çalışır. Beynəlxalq Aktuarilər Assosiasiyasının (Society of Actuaries) təşkil etdiyi rəsmi imtahanını müvəffəqiyyətlə tamamlamışdır.

Orxan Mustafayev

CFA proqramını ən yüksək göstəricilərlə tamamlayaraq CFA Charterholder statusunu qazanmışdır. Economics üzrə ADA Universitetində bakalavr, Kadir Has İstanbul Universitetində isə Exchange proqramı üzrə təhsil almışdır. Bu dövrdə Yale University, Hong Kong University of Science, ADA University-nin təşkil etdiyi təlim və konfranslarda iştirak etmiş, dəfələrlə təqaüdlər qazanmışdır. Hazırda KPMG-də Corporate Finance Associate vəzifəsində çalışır.

Cəlal Rayi

FRM proqramını yüksək göstəricilərlə tamamlayaraq FRM statusunu qazanmışdır. Bengaluru Universitetində Business Management ixtisası üzrə bakalavr, ADA Universitetində isə MBA təhsili almışdır. Risklərin idarə olunması sahəsi üzrə özəl və dövlət sektorunda zəngin peşəkar iş təcrübəsinə, UNEC-də isə pedaqoji təcrübəyə malikdir. Hazırda Əmanətlərin Sığortalanması Fondunda Risklərin İdarə departamentinin rəhbəri vəzifəsində çalışır.

Nofəl Məmmədov

Nofəl Məmmədov BDO, PMD Projects, Veysəloğlu və digər şirkətlərdə vergi və mühasibatlıq sahələri üzrə peşəkar təcrübəyə malik vergi ekspertidir və hazırda Honours Academy-də təlimçi olmaqla yanaşı, Agro Food Investments şirkətində Baş Vergi mütəxəssisi vəzifəsində çalışır. UNEC-də İqtisadiyyat və idarəetmə üzrə bakalavr və magistr təhsili almışdır. Eləcə də, BDO Almaniyanın Corporate Income Tax and Transfer Pricing training-ni bitirmişdir.

Ruslan Həsənalıyev

Peşəkar Mühasib Sertifikatına sahib olan ilk mütəxəssislərdən biri olan Ruslan Həsənalıyev müxtəlif maliyyə, audit və konsaltinq şirkətlərində peşəkar iş təcrübəsinə malikdir. O, UNEC-də Dünya İqtisadiyyatı ixtisası üzrə bakalavr, Mühasibat uçotu ixtisası üzrə MBA təhsili almışdır. Eləcə də "The Institue of Certifed Financial Managers"-in DipIFRs diplomuna sahibdir. Hazırda Honours Academy-də təlimçi olmaqla yanaşı, Agro West Şirkətlər Qrupunda Maliyyə Meneceri vəzifəsində çalışır, eyni zamanda dövlət qurumları ilə öz sahəsi üzrə Ekspert kimi əməkdaşlıq edir.

Əli Əhmədli

CFA proqramının hər 3 imtahanını yüksək göstəricilərlə tamamlayaraq Charterholder statusunu qazanmışdır. King’s College London-da "Banking and Finance" üzrə magistr və Bakı Mühəndislər Universitetində Maliyyə üzrə bakalavr təhsili almışdır. Hazırda Honours Academy-də təlimçi olmaqla yanaşı, Əmanətlərin Sığortalanması Fondunda Baş Risk Mütəxəssisi vəzifəsində çalışır.

Şaiq Rəhmənov

Şaiq Rəhmanov hazırda Grand-Agro MMC-də Korporativ Hüquq və Komplayens üzrə Menecer kimi fəaliyyət göstərir. O həmçinin, 2018-ci ildən Azərbaycan Respublikasının Vəkillər Kollegiyasının üzvü, yəni vəkilidir. Şaiq Rəhmanov daha əvvəl Royal Konsalting MMC, Azenco ASC-də hüquqşünas, aparıcı, baş hüquqşünas və şöbə rəhbəri kimi işləmişdir. Vəkillik fəaliyyətində çoxsaylı fiziki və hüquqi şəxslərə hüquqi xidmət göstərmişdir. Hüquqi xidmət sahələrinə mülki, korporativ, əmək, inzibati, müqavilələr hüququ, əqli mülkiyyət və ailə hüququ daxildir. Bakalavr səviyyəsini BDU Beynəlxalq hüquqda bitirmiş Şaiq Rəhmanov, Almaniyanın Humbolt Universiteti hüquq sertifikatı, Miqrasiya və Ksenofobiya təlimi sertifikatını da uğurla əldə etmişdir.

Məmməd Həsənov

Məmməd Həsənov risklərin idarəedilməsi və prudensial tənzimləmə sahəsində 5 ildən artıq peşəkar karyeraya sahibdir. Hazırda Pasha Holding-də Qrup üzrə Risklərin idarəedilməsi departamentində çalışır. Azərbaycan, Türkiyə və Gürcüstan yurisdiksiyalarında müxtəlif məhsullar, biznes əməliyyatları, risklərin azaldılması və tənzimləyici tələblər haqqında dərin biliyə malikdir. ADA Universitetinin İqtisadiyyat ixtisası üzrə bakalavr təhsili almışdır. Həmçinin risklərin idarəedilməsi üzrə ən mötəbər titul hesab olunan FRM statusuna sahibdir.

Rüfət Manafov

Risklərin idarə edilməsi sahəsində 12 illik peşəkar karyeraya sahibdir və hazırda ölkənin ən böyük daşınmaz əmlak investisiyası şirkətlərindən birində risklərin idarə edilməsi funksiyasına rəhbərlik edir. Bu vəzifəyədək ölkənin iki böyük bankında risklərin idarə edilməsi sahəsində müxtəlif vəzifələrdə çalışmışdır. Rüfət Manafov həmçinin UNEC və Xəzər Universitenində risklərin idarə edilməsi sahəsi üzrə pedaqoji təcrübəyə malikdir. Bakı Dövlət Universitetində Tətbiqi riyaziyyat və kibernetika ixtisası üzrə təhsil almış, UNEC-də MBA dərəcəsi almışdır. Risk Profesionallarının Qlobal Assosasiyası tərəfindən verilmiş FRM sertifikatına sahibdir, həmçinin CFA Institute tərəfindən keçirilən CFA sertifikasiyasının iki səviyyəsini uğurla bitirmişdir.

Böyükxanım Mahmudova

Böyükxanım Mahmudova ölkəmizin böyük həcmli datalar ilə çalışan bank sektorunda geniş təcrübəyə malikdir. Data analitika və biznes analitika sahələrində uzun müddət çalışmışdır, iş təcrübəsinə “Bank of Baku” ASC və “Kapital Bank” ASC daxildir. Hal-hazırda “Bank Respublika” ASC-də BA Project Manager kimi layihələrin idarə edilməsində məsuldur. O UNEC-də “Mühasibat Uçotu və Audit” ixtisası üzrə bakalavr və magistr dərəcələrini əldə etmişdir.

Aydın Atayev

CFA proqramının hər üç səviyyəsini uğurla tamamlayaraq CFA Charterholder statusunu qazanmışdır. Azərbaycan Dövlət İqtisad Universitetində Finance and Credit ixtisası üzrə bakalavr, Qafqaz Universitetində isə Financial Management üzrə magistr təhsili almışdır.

Vamiq Səfərov

Vamiq Səfərov IFRS üzrə ekspert, AZAL-da Reporting üzrə rəhbər vəzifədə çalışır. Dəfələrlə Financial Reporting və DipIFR üzrə yüksək nəticələrə sahib tələbələrin mentoru olmuş və ölkə üzrə ən yüksək DipIFR nəticəsinə sahib tələbənin təlimçisi olmuşdur. 12 ildir maliyyə sahəsində peşəkar karyeraya sahibdir.